கேன்ஸ் திரைப்பட விழா நிறைவு: டைடேன் சிறந்த படமாக தேர்வு
ADDED : 1542 days ago
உலக புகழ்பெற்ற கேன்ஸ் திரைப்பட விழா ஒவ்வொரு ஆண்டும் மே மாதம் பிரான்ஸ் நாட்டின் கேன்ஸ் நகரில் நடைபெறும். கடந்த ஆண்டு கொரோனா பரவல் காரணமாக கேன்ஸ் திரைப்பட விழா ரத்து செய்யப்பட்டது. கொரோனா பாதிப்புகள் குறைந்து வரும் நிலையில் கடந்த 6ம் தேதி தொடங்கிய 74வது கேன்ஸ் திரைப்பட விழா நிறைவடைந்தது.
விழாவில் சிறந்த நடிகருக்கான விருது அமெரிக்காவின் காலேப் லாண்ட்ரி ஜோன்சுக்கு வழங்கப்பட்டது. சிறந்த நடிகைக்கான விருதை நார்வே நாட்டை சேர்ந்த ரெனடா ரீன்ஸ்வே வென்றார். டைடேன் எனும் பிரான்ஸ் படம் சிறந்த படமாக தேர்ந்தெடுக்கப்பட்டது. இதனை ஜுலியா டக்கொர்னோ இயக்கி இருந்தார். கேன்ஸ் திரைப்பட விழாவில் ஒரு பெண் இயக்குனர் விருது பெறுவது இது இரண்டாவது முறை.