‛பிஸ்தா' நல்ல விருந்து

சிரிஷ், மிருதுளா, அருந்ததி நாயர், யோகிபாபு, சதீஷ் உள்ளிட்ட பலர் நடிக்கும் ‛பிஸ்தா' படத்தை ரமேஷ் பாரதி இயக்கியுள்ளார். படத்தை புவனேஸ்வரி சாம்ப சிவம் தயாரிக்க, 11:11 புரொடக்சன்ஸ் சார்பில், டாக்டர்.பிரபுதிலக் வெளியிடுகிறார். படத்தின் டீசர் சமீபத்தில் வெளியாகி பெரும் வரவேற்பை பெற்றுள்ளது.

படம் குறித்து பிரபுதிலக் கூறியதாவது: இந்த கொரோனா காலக்கட்டத்தில் மக்களின் டென்ஷனை, 100 சதவீதம் இப்படம் குறைக்கும். இந்த நேரத்தில் வயிறு குலுங்க மக்கள் சிரிக்க வேண்டும் என்று தான், ‛பாரீஸ் ஜெயராஜ்' படத்தை வெளியிட்டேன். தற்போது அதே கண்ணோட்டத்தில், மக்கள் அவரவர் கவலைகளை மறக்க, ‛பிஸ்தா' படத்தை வெளியிடுகிறோம். வித்தியாசமான கதைக்களத்தில் படம் உருவாகியுள்ளது. குடும்பத்தோடு வயிறு குலுங்கி சிரித்து பார்க்கலாம். தியேட்டர்கள் திறக்கப்பட்டதும் இப்படம் மக்களுக்கு நல்ல விருந்தாக ‛பிஸ்தா' அமையும்.

இவ்வாறு அவர் கூறினார்.