கமலின் தேவர்மகன் 2 உருவாகிறது

1992ல் பரதன் இயக்கத்தில் சிவாஜி, கமல், ரேவதி, கவுதமி, நாசர், வடிவேலு நடிப்பில் உருவான படம் தேவர் மகன். இளையராஜா இசையமைத்த இந்த படத்தின் இரண்டாம் பாகத்தை தயாரிக்கப்போவதாக சட்டசபை தேர்தலுக்கு முன்பே கூறி வந்தார் கமல். பின்னர் அந்த படத்தின் தலைப்பு மாற்றப்போவதாக கூறப்பட்டது. இந்நிலையில் கமல் அளித்த ஒரு பேட்டியில், தேவர்மகன் 2 உருவாக இருப்பதை உறுதிப்படுத்தியுள்ளார்.

முதல் பாகத்தை மலையாள இயக்குனர் பரதன் இயக்கிய நிலையில், இரண்டாவது பாகத்தையும் மலையாளப்பட இயக்குனர் மகேஷ் நாராயணன் இயக்குவதாக கூறப்படுகிறது. இவர் மலையாளத்தில் பகத்பாசில் நடித்த மாலிக் என்ற படத்தை இயக்கியவர். அதோடு கமலின் விஸ்வரூபம்-2 படத்தின் எடிட்டராகவும் பணியாற்றியவர். தேவர் மகன் 2 படத்தை கமல் திரைக்கதை எழுதி தயாரிக்க, விக்ரம், விஜய் சேதுபதி இருவரும் நடிக்க இருப்பதாகவும் செய்திகள் வெளியாகியுள்ளன.