பகைவனுக்கு அருள்வாய் : சசிகுமாரின் ஆக்ஷன் அவதாரம்

கிராமத்து வெள்ளந்திரி இளைஞன் கேரக்டருக்கு புகழ்பெற்ற சசிகுமார் தற்போது நடித்து வரும் பகைவனுக்கு அருள்வாய் படத்தில் ஆக்ஷன் ஹீரோ அவதாரம் எடுத்துள்ளார். படத்திற்காக நீண்ட முடிவளர்த்திருக்கும் அவர் தலையை சிலிப்பு கொண்டு பன்ஞ் டயலாக் பேசுகிறார். ஜேம்ஸ் பாண்ட் பாணியில் துப்பாக்கி சாகசம் செய்கிறார். என்ன தம்பிங்களா கொஞ்ச நேரம் விளையாடி பார்க்கலாமா என்று வில்லன்களை அழைக்கிறார்.
இந்த படத்தை அனிஸ் இயக்குகிறார். வாணி போஜன் ஹீரோயின். பிந்து மாதவி வில்லி. சதீஷ் நினசம், ஜெயபிரகாஷ், ஹரீஷ் பெரடி உள்பட பலர் நடிக்கிறார்கள். கார்த்திக் தில்லை ஒளிப்பதிவு செய்கிறார், ஜிப்ரான் இசை அமைக்கிறார்.