தீபாவளி போட்டியில் ஹாலிவுட் சூப்பர் ஹீரோக்கள்
ADDED : 1470 days ago
சூப்பர் ஹீரோ படங்களை தொடர்ந்து வெளியிடும் மார்வெல் நிறுவனத்தின் 26வது சூப்பர் ஹீரோக்கள் படம் எண்டரல்ஸ். ஜெம்மா சான், ரிச்சர்ட் மேடன், குமாயில் நஞ்சியானி, லியா மெக்ஹுக், பிரையன் டைரி ஹென்றி மற்றும் ஏஞ்சலினா ஜூலி ஆகியோர் நடித்துள்ளனர். சோலோ ஜாவோ இந்த படத்தை இயக்கியுள்ளார். பென் டேவிஸ் ஒளிப்பதிவு செய்துள்ளார், ரமின் திஜாவடி இசை அமைத்துள்ளார்.
வெளி மண்டலத்திலிருந்து வந்த ஒரு அந்நிய இனம் ஆயிரம் ஆண்டுகளுக்கு முன்பே பூமிக்கு வந்து இங்கு மறைந்து வாழ்கிறது. இந்த இனத்தின் எதிர் இனம் இவர்களை தேடி அலைகிறது. கடைசியாக பூமியில் மறைந்திருப்பதை கண்டுபிடித்து அதனை அழிக்க வருகிறது. இந்த இரண்டு பெரும் சக்திகளின் சண்டைக்குள் மாட்டிக் கொள்ளும் பூமியை சூப்பர் ஹீரோக்கள் எப்படி காப்பாற்றுகிறார் என்பதுதான் கதை.
படம் தீபாவளி அன்று இந்தியாவில் வெளியாகிறது. ஆங்கிலத்துடன் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகிறது.