கவினுக்கு நிஜமாகவே லிப்ட் தரப்போகும் விக்னேஷ் சிவன் - நயன்தாரா

விஜய் தொலைக்காட்சி சீரியல்கள் மூலமாக பிரபலமான நடிகர் கவின், அதன்பிறகு பிக்பாஸ் நிகழ்ச்சியில் கலந்துகொண்டு சக போட்டியாளரான லாஸ்லியாவுடன் காதலில் விழுந்து இன்னும் அதிக அளவில் பிரபலமானார். இதைத்தொடர்ந்து ஓரளவு அவருக்கு பட வாய்ப்புகள் வர ஆரம்பித்துள்ளன. சமீபத்தில் அவர் நடித்த லிப்ட் என்கிற திரைப்படம் வெளியாகியுள்ளது.

இந்த நிலையில் பிரபல நட்சத்திர ஜோடியான விக்னேஷ் சிவன் நயன்தாரா இருவரும் இணைந்து நடத்திவரும் ரவுடி பிக்சர்ஸ் நிறுவனம் தயாரிக்க உள்ள புதிய படத்தில் அடுத்ததாக நடிக்க உள்ளாராம். இந்த படத்தில் அவருக்கு ஜோடியாக வாணி போஜன் நடிக்கவிருக்கிறாராம் அறிமுக இயக்குனர் ஒருவர் இந்த படத்தை இயக்க உள்ளார் என்று சொல்லப்படுகிறது. விக்னேஷ் சிவன் தயாரிப்பில் உருவாகும் இந்த படம் கவினுக்கு நிச்சயமாக மிகப்பெரிய ஹிட்டாக அமையும் என்பதில் சந்தேகமில்லை.