சதுரகிரியில் பிரதோஷ வழிபாடு

ஸ்ரீவில்லிபுத்துார் : சதுரகிரி சுந்தரமகாலிங்கம் கோயிலில் பிரதோஷ வழிபாட்டை முன்னிட்டு ஆயிரத்திற்கும் மேற்பட்ட பக்தர்கள் சாமி தரிசனம் செய்தனர். நேற்று ஓடைகளில் நீர்வரத்து குறைந்ததால், காலை 7:15 மணிக்கு பக்தர்கள் மலையேற அனுமதிக்கப்பட்டனர். ஆனால், சிறிது நேரத்தில் லேசான சாரல்மழை பெய்ததால், சுமார் 40 நிமிடம்பக்தர்கள் மலையேறுவது நிறுத்தி வைக்கப்பட்டது. பின்னர் பகல் 1:00 மணி வரை பக்தர்கள் அனுமதிக்கப்பட்டு, சாமி தரிசனம் செய்து விட்டு உடனடியாக திரும்பி இறங்குமாறு அறிவுறுத்தப்பட்டனர். ஆயிரத்திற்கும் மேற்பட்டோர் அனுமதிக்கபட்ட நிலையில், ஏராளமானோர் சாமி தரிசனம் செய்து விட்டு, அடிவாரம் திரும்பினர். மற்றவர்கள் கோயிலில் நடந்த பிரதோஷ வழிபாட்டில் பங்கேற்றனர்.