வால்பாறையில் சோமவார சங்காபிஷேக விழா

வால்பாறை:வால்பாறை சுப்ரமணிய சுவாமி கோவிலில், கார்த்திகை மூன்றாவது சோமவாரத்தை முன்னிட்டு சங்காபிஷேக விழா நடந்தது.வால்பாறை சுப்ரமணிய சுவாமி கோவிலில் கார்த்திகை மூன்றாவது சோமவாரத்தை முன்னிட்டு, 108 சங்காபிஷேக விழா நடந்தது.

காசிவிஸ்வநாதர் சன்னதியில் நேற்றுமுன்தினம் (டிச., 2ல்) நடந்த விழாவில், மாலை, 6:30 மணி க்கு கணபதி ஹோமமும், 7:00 மணிக்கு சிறப்பு அபிஷேக பூஜையும், தொடர்ந்து சிறப்பு அலங்கார பூஜையும் நடந்தது. சிவலிங்க வடிவில் சங்குகளால் அலங்கரிக்கப்பட்டு சிறப்பு பூஜை நடந்தது. நூற்றுக்கணக்கான பக்தர்கள் கலந்து கொண்டு வழிபட்டனர்.