குளத்துப்பட்டி காளியம்மன் கோயில் கும்பாபிஷேக விழா

உசிலம்பட்டி: உசிலம்பட்டி அருகே பூச்சிபட்டி குளத்துப்பட்டி காளியம்மன் கோயில் கும்பாபிஷேக விழா நடைபெற்றது. ஆக. 24 காலை சிலைஎடுப்பு, மாலை 6.00 மணியளவில் விக்னேஸ்வர பூஜை, யாகசாலை பூஜை வழிபாட்டுடன் துவங்கியது. ஆக. 25 ல், இரண்டாம்கால, 3 ஆம் கால யாகசாலை பூஜைகள் நடைபெற்றது. நேற்று காலை நான்காம் காலபூஜைகளுடன் துவங்கி, காலை 9.35 மணியளவில் புனிதநீர் கொண்டு கோபுர கலசத்திற்கு மகாகும்பாபிஷேகம் நடைபெற்றது. தொடர்ந்து பத்ரகாளியம்மனுக்கு மகாஅபிஷேகம், தீபாராதனை வழிபாடுகள் நடைபெற்றது. ஏராளமான பக்தர்கள் கலந்து கொண்டனர்.