ஐயப்பன் மண்டல பூஜை விழா: 108 கலச அபிஷேகம்

வடமதுரை: வடமதுரை மீனாட்சி சுந்தரேஸ்வரர் கோயில் வளாகத்திலுள்ள ஐயப்பன் மணி மண்டபத்தில் மண்டல பூஜை விழா நடந்தது. இவ்விழாவிற்காக சிவ, வைணவ கோயில்களில் இருந்து புனித தீர்த்தங்கள் கொண்டு வரப்பட்டிருந்தன. தீர்த்தக்குடங்கள் ஊர்வலமாக கோயிலுக்குள் கொண்டு வரப்பட்டன. ஐயப்பன் மணி மண்டபத்தில் உலக நன்மை வேண்டி கணபதி ஹோமம், 18 படி அபிஷேகம், யாக பூஜைகளும், 108 சங்கு, 108 கலச அபிஷேகம் உள்பட சிறப்பு வழிபாடுகள் நடந்தன. ஏற்பாட்டினை குருநாதர்கள் காமராஜ், ராமதாஸ்,நந்தக்குமார் உள்ளிட்ட ஐயப்ப பக்தர்கள் சேவை அறக்கட்டளையினர் செய்திருந்தனர்.