ஸ்ரீநிவாசப் பெருமாள் கோயிலில் திருக்கல்யாணம்

எமனேஸ்வரம்: பரமக்குடி நகராட்சி எமனேஸ்வரம் வரதராஜ பெருமாள் கோயிலில் தனிச்சன்னதியில் அருள் பாலிக்கும் ஸ்ரீநிவாச பெருமாள் திருக்கல்யாணம் நடந்தது.

இக் கோயிலில் மண்டலாபிஷேகம் நிறைவையொட்டி, நேற்று காலை 9:30 மணிக்கு அலர்மேல்மங்கை, பத்மாவதி தாயார், ஸ்ரீநிவாச பெருமாள் சன்னதியில் இருந்து புறப்பட்டனர். தாயார் மண்டபத்தில் ஊஞ்சல் சேவையில் பெருமாளுக்கு திருக்கல்யாணம் நடத்தப்பட்டது. தொடர்ந்து பெருமாள், தாயார் மாலைமாற்று நிகழ்ச்சிகள் மற்றும் திருமண சடங்குகள் நடந்தது. பின்னர் பக்தர்களுக்கு அன்னதானம் வழங்கப்பட்டது.