லட்சுமி நரசிங்க பெருமாளுக்கு வெள்ளிக்கவசம்
ADDED :1239 days ago
பெ.நா.பாளையம்: பெரியநாயக்கன்பாளையம் அருகே உள்ள நாயக்கனூர் லட்சுமி நரசிங்க பெருமாள், வெள்ளி கவசம் அலங்காரத்தில் பக்தர்களுக்கு அருள்பாலித்தார்.பெரியநாயக்கன்பாளையம் அருகே வீரபாண்டி பேரூராட்சிக்குட்பட்ட நாயக்கனூரில் லட்சுமி நரசிங்க பெருமாள் கோவில் உள்ளது. பெருமாளுக்கு, 5 லட்சம் ரூபாய் செலவில் வெள்ளிக்கவசம் செய்யப்பட்டுள்ளது. நேற்று தமிழ் புத்தாண்டு தினத்தையொட்டி, பெருமாள் புதிதாக செய்யப்பட்ட வெள்ளி கவசத்தில், பக்தர்களுக்கு அருள்பாலித்தார். நிகழ்ச்சியையொட்டி, அபிஷேக அலங்காரம், கோவில் வளாகத்தில் திருவீதியுலா ஆகியன நடந்தன. நிகழ்ச்சியில், திரளான பக்தர்கள் பங்கேற்றனர்.