தேவதானம் பேட்டை வன துர்கை கோவிலில் சித்ரா பவுர்ணமி விழா

செஞ்சி: தேவதானம் பேட்டை வன துர்கை அம்மன் கோவிலில் சித்ரா பவுர்ணமி விழா நடந்தது.

இதை முன்னிட்டு காலை 7.30 மணிக்கு அம்மனுக்கு அபிஷேக ஆராதனை நடந்தது. 10.30 மணிக்கு கன்னி பெண்கள் பங்கேற்ற திருவிளக்கு பூஜையும், மாலை 5 மணிக்கு மலை மீதுள்ள அம்மனுக்கு அக்னி கரகம் எடுத்து சென்றனர். 6 மணிக்கு ஊஞ்சல் தாலாட்டும், 7 மணிக்கு வன துர்கையம்மன் துருவ அரக்கன் சம்ஹார திருவிளையாடல் நிகழ்ச்சியும், பக்தர்களுக்கு அன்ன தானமும் இரவு வானவேடிக்கை, இன்னிசை கச்சேரி நடந்தது. இதில் திரளான பக்தர்கள் கலந்து கொண்டனர்.

சிறுகடம்பூர்: செஞ்சி சிறுகடம்பூர் முத்து மாரியம்மன் கோவிலில் சித்ரா பவுர்ணமியை முன்னிட்டு 15 வது ஆண்டு பால் குடம் ஊர்வலம் நடந்தது. 100க்கும் மேற்பட்டவர்கள் பால் குடம் எடுத்து வந்து அம்மனுக்கு பால் அபிஷேகம் செய்தனர். பக்தர்களுக்கு அன்ன தானம் வழங்கினர்.