பண்ருட்டி பெருமாள் கோவில்களில் கருட சேவை உற்சவம்

பண்ருட்டி; பண்ருட்டி வரதராஜபெருமாள் கோவிலில் வைகாசி விசாகம் நட்சத்திரத்தை முன்னிட்டு, கருட சேவை உற்சவம் நடந்தது. கோவிலில் அதிகாலை 4:00 மணிக்கு நடைதிறக்கப்பட்டு சிறப்பு பூஜைகள் நடந்தன. 5:30 மணியளவில் உற்சவர் பெருமாள் உதய கருட வாகனத்தில் சிறப்பு அலங்காரத்தில் பக்தர்களுக்கு அருள்பாலித்தார். காலை 6:00 மணிக்கு சிறப்பு தீபாராதனை நடந்தது. தொடர்ந்து சாமி மாட வீதியுலா நடந்தது.

நெல்லிக்குப்பம்: நெல்லிக்குப்பம் பாமா ருக்குமணி சமேத வேணுகோபால சுவாமி கோவிலில் மூலவர் சிலைகள் அத்திமரத்தாலானது சிறப்பாகும். இக்கோவிலில் வைகாசி விசாகத்தை முன்னிட்டு சுவாமிக்கு சிறப்பு திருமஞ்சனம் நடந்தது. மூலவர் சிறப்பு அலங்காரத்தில் அருள்பாலித்தார்.உற்சவர் கருடசேவை வாகனத்தில் எழுந்தருளி வீதியுலா வந்து பக்தர்களுக்கு அருள்பாலித்தார்.