சின்னாளப்பட்டியில் ஆனி அமாவாசை சிறப்பு வழிபாடு

சின்னாளபட்டி: ஆனி அமாவாசையை முன்னிட்டு சின்னாளப்பட்டி அஞ்சலி வரத ஆஞ்சநேயர் கோயிலில், சிறப்பு பூஜைகள் நடந்தது. முன்னதாக, மூலவருக்கு சிறப்பு மலர் அலங்காரத்துடன் பூஜைகள் நடந்தது. உற்சவர் கோதண்டராமருக்கு, விசேஷ அபிஷேகம், மகா தீபாராதனை நடந்தது.சின்னாளபட்டி லிங்குசாமி மடத்தில், சிறப்பு அபிஷேக, ஆராதனைகள் நடந்தது. செம்பட்டி அருகே அக்கரைப்பட்டி சடையாண்டி கோயில், தெத்துப்பட்டி ராஜகாளியம்மன் கோயில், குட்டத்துப்பட்டி சாய்பாபா நகர் பிச்சை சித்தர் கோயிலில், அமாவாசை சிறப்பு பூஜைகள் நடந்தது.