அரசாள வந்த அம்மனுக்கு வெள்ளி கவசம் அணிவிப்பு; பக்தர்கள் தரிசனம்

ஆர்.எஸ்.மங்கலம்: ஆர்.எஸ்.மங்கலம் அரசாள வந்த அம்மன் கோயில், மூலவர்களான அரசாள வந்த அம்மன், துர்க்கை அம்மன் ஆகியோருக்கு கோயில் நிர்வாகம் சார்பில், வெள்ளி கவசம் அணிவிக்கப்பட்டது. முன்னதாக வெள்ளி கவசத்தை யாகசாலை பூஜையில் வைத்து சிறப்பு அபிஷேக ஆராதனைகள் செய்யப்பட்டன. தொடர்ந்து பக்தர்கள் வெள்ளி கவசங்களுடன் கோவிலை சுற்றிவந்து வழிபாடு செய்து, மூலவர்களுக்கு வெள்ளிக்கவசங்களை அணிவித்தனர். தொடர்ந்து மூலவருக்கு சிறப்பு அபிஷேகம் செய்யப்பட்டு, தீப ஆராதனை காண்பிக்கப்பட்டன. இதில் சுற்றுப்புற பகுதிகளை சேர்ந்த ஏராளமான பக்தர்கள் கலந்து கொண்டனர்.