கோவை நஞ்சன்கூடு ஸ்ரீ ராகவேந்திர ஸ்வாமி மடத்தில் ஆராதனை விழா

கோவை; கர்நாடக மாநிலம் நஞ்சன்கூடு ஸ்ரீ ராகவேந்திர ஸ்வாமி மடத்தின் கோவை கிளையானது கோவை புதூர் பகுதியில் அமைந்துள்ளது. இதன் 353 - வது ராகவேந்திர ஸ்வாமி ஆராதனை விழா கடந்த 19ம் தேதி  துவங்கியது. முதல் நாள் நிகழ்வாக காலை 7 மணி அளவில் ரிக் வேத உபா கர்மா நடைபெற்றது. அதை தொடர்ந்து காலை 8:30 மணி அளவில் யஜுர்வேத உபாகர்மா நடைபெற்றது. அதன் பின்னர் காலை 9.30 மணி அளவில் சத்ய நாராயண பூஜை, அர்ச்சனை, தீபாரதனை ஆகியன நடைபெற்றது. மாலை 7 மணி அளவில் கோ- பூஜை. தானிய பூஜை, மந்திர புஷ்பம் ஆகியவை நடைபெற்றன. நேற்று 20ம் தேதி முதல் வரும் ஆகஸ்ட் 23ம் தேதி வரை தினமும் காலை 6 மணிக்கு நிர்மால்ய தரிசனம் அதைத் தொடர்ந்து காலை 8 மணி அளவில் பஞ்சாமிர்த அபிஷேகம், உபன்யாசம், கனகாபிஷேகம், அலங்காரம், தீபாரதனை ஆகியவை நடைபெறும். இரவு 8 மணி அளவில் ரத உற்சவம், மந்திரபுஷ்பம் ஆகியன நடைபெறுகிறது. இந்த நிகழ்ச்சியில் சிறப்பு புஷ்ப அலங்காரத்தில் மூலஸ்தானம் அலங்கரிக்கப்பட்டு, சிறப்பு அலங்காரத்தில் ராகவேந்திரர் பக்தர்களுக்கு அருள் பாலித்தார். இந்த நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.