மேட்டுப்பாளையம் அகத்தியர் ஞான பீடத்தில் குருபூஜை விழா

மேட்டுப்பாளையம்; அகத்தியர் குருபூஜை முன்னிட்டு மேட்டுப்பாளையம் கல்லாறு அருகே உள்ள ஸ்ரீ அகத்தியர் ஞானபீடத்தில் அகத்திய முனிவருக்கு சிறப்பு பூஜை நடந்தது.

மேட்டுப்பாளையம் ஊட்டி சாலை கல்லாறு ரயில்வே கேட் அருகே அகத்தியர் ஞானபீடம் உள்ளது. இங்கு சித்தர் நெறிமுறைப்படி சர்வதேச நிவாரண மூலிகை மகா யாகமும், ஞான பீடத்தின், 22ம் ஆண்டை முன்னிட்டு, அகத்தியர் குருபூஜை விழா இன்று நடைபெற்றது. இன்று (19ம் தேதி) காலையில் ஏழு மணிக்கு கொடியேற்றம், அதைத்தொடர்ந்து, 18 சித்தர்களுக்கு தீபாரதனை நடைபெற்றது. விழாவில் நீலகிரி மாவட்ட பக்தர்களின் நாம சங்கீர்த்தனம் நடந்தது. விழாவில் பங்கேற்ற பக்தர்கள் சித்தர்களின் விக்கிரகங்களின் கீழே அமர்ந்து தியானம் செய்தனர். பின்பு சாதுக்கள் அருளாசியும், சரோஜினி மாதாஜியின் அருளாசி வழங்கும் நிகழ்ச்சி நடைபெற்றது.