திருவேட்டீஸ்வரர் கோவிலில் உழவாரப்பணி; உலக நலன் வேண்டி கூட்டு பிரார்த்தனை
ADDED :303 days ago
திருவல்லிக்கேணி; திருவல்லிக்கேணி திருவேட்டீஸ்வரர் கோவிலில் நேற்று, இந்து ஆலயங்கள் சுத்தம் செய்யும் இறைபணி மன்றம் சார்பில், 200க்கும் மேற்பட்டோர் உழவாரப்பணியில் ஈடுபட்டனர். செடி, கொடிகள் அகற்றப்பட்டன. கோவிலின் இடது புறமுள்ள பெரிய தெப்பக்குளத்தில் படிந்திருந்த பாசியை அகற்றினர். மாலையில், உலக நலன் வேண்டி 5 லட்சம் மந்திரங்கள் ஓதி, கூட்டு பிரார்த்தனை நடந்தது. தொடர்ந்து, திருக்கயிலாய வாத்தியங்கள் முழங்க, ஈசனை சுமந்து, திருமுறைகள் பாடி, அடியார்கள் புடைசூழ விழிப்புணர்வு திருவீதிவுலா நடந்தது. இந்த திருவீதிவுலாவை கோவில் செயல் அலுவலர் கங்கா துவக்கி வைத்தார்.