ஸ்ரீ ராமகிருஷ்ண பரமஹம்சர் 191 வது ஜெயந்தி புண்ணிய விழா

அவிநாசி; ஸ்ரீ விவேகானந்தா சேவாலயத்தில் ஸ்ரீ ராமகிருஷ்ண பரமஹம்சர் 191வது ஜெயந்தி புண்ணிய தினம் கொண்டாடப்பட்டது.

திருமுருகன் பூண்டியில் உள்ள ஸ்ரீ விவேகானந்த சேவாலயத்தில் பகவான் ஸ்ரீ ராமகிருஷ்ண பரமஹம்சர் 191வது ஜெயந்தி புண்ணிய தினம் விமர்சையாக கொண்டாடப்பட்டது. இதனை முன்னிட்டு மங்கள ஆரதி, சுப்ரபாதம், ஸ்தவராஜ மற்றும் மங்களா சாசனம், விஷ்ணு சகஸ்ரநாம பாராயணம் செய்யப்பட்டது. அதனைத் தொடர்ந்து பக்தர்களுக்கு அன்னதானம் வழங்கப்பட்டது இந்நிகழ்ச்சியில் ராமகிருஷ்ணரின் அமுதமொழிகள் வாசித்தல்,பஜனை, சந்தியா ஆரதி, சொற்பொழிவு நடைபெற்றது. பக்தர்கள் அனைவருக்கும் பிரசாதம் மற்றும் ஆன்மீக நூல்கள் வழங்கப்பட்டது.