கோல்கட்டா தந்தானியா காளிபாரியில் பிரதமர் மோடி வழிபாடு

புது தில்லி: கோல்கட்டாவில் தனது சாலைப் பேரணிக்கு முன்பு, பிரதமர் நரேந்திர மோடி ஞாயிற்றுக்கிழமை தந்தானியா காளிபாரியில் பிரார்த்தனை செய்தார். 

தந்தானியா காளிபாரி, கொல்கத்தாவின் மிகப் பழமையான மற்றும் மிகவும் போற்றப்படும் காளி கோயில்களில் ஒன்றாகும். இங்கு ராமகிருஷ்ண பரமஹம்சர் அடிக்கடி வந்து சென்றதாகவும், தேவியைப் போற்றிப் பாடியதாகவும் நம்பப்படுகிறது. பிரதமர் நரேந்திர மோடி, நேற்று ஏப்ரல் 26-ஆம் தேதி, வட கொல்கத்தாவில் அமைந்துள்ள வரலாற்றுச் சிறப்புமிக்க தந்தானியா காளி கோவிலுக்கு வருகை தந்து, அன்னை காளியை வழிபட்டார். வட கொல்கத்தாவில் அவர் மேற்கொள்ளவிருந்த வாகனப் பேரணிக்குச் சற்று முன்னதாகவே இந்த வருகை அமைந்தது. மேற்கு வங்க சட்டமன்றத் தேர்தல்கள் நடைபெற்று வரும் இத்தருணத்தில், அம்மாநிலத்தின் உள்ளூர் கலாச்சாரம் மற்றும் மத உணர்வுகளுடன் ஆழமாகத் தன்னை இணைத்துக்கொள்ளும் வகையில் மேற்கொள்ளப்பட்ட ஒரு முக்கிய நகர்வாகவே அரசியல் பார்வையாளர்கள் இந்த வருகையைக் கருதுகின்றனர்.