மீனாட்சி சுந்தரேஸ்வரர் கோயில் சித்திரை தேரோட்டம்

தேவகோட்டை: தேவகோட்டை மீனாட்சி சுந்தரேஸ்வரர் கோயில் சித்திரை திருவிழா கடந்த வாரம் காப்பு கட்டுதலுடன் தொடங்கியது. தினமும் மாலை சுவாமி சுந்தரேஸ்வரர் மீனாட்சி அம்மன் பரிவார தெய்வங்களுடன் அலங்காரத்தில் காணப்பட்டார். சிறப்பு பூஜைகளை தொடர்ந்து வீதி உலா வந்து பக்தர்களுக்கு அருள் பாலித்தனர். ஐந்தாம் நாள் திருக்கல்யாணம் நடந்தது. ஒன்பதாம் நாளான நேற்று தேரோட்டம் நடைபெற்றது. காலையில் சுவாமி மீனாட்சி சுந்தரேஸ்வரர் தேருக்கு எழுந்தருளினர். விநாயகர், சுப்பிரமணியர், சுந்தரேஸ்வரர், மீனாட்சி அம்மன், சண்டீகேஸ்வரர் வீற்றிருக்க பக்தர்கள் தேரை இழுத்தனர்.