பழநி முருகன் கோயில் படிகளில் அருவி போல் பாய்ந்த வெள்ளம்

பழநி: பழநியில் இரவு மழை பெய்ததால் சாலைகளில் வெள்ளம் பெருக்கெடுத்து ஓடியது. பழநி முருகன் கோயில் படிகளில் அருவி போல் வெள்ளம் பாய்ந்தது .

பழநியில் நகர் மற்றும் சுற்று வட்டார பகுதியில் மழை பெய்ததால் குளிர்ச்சியான சூழல் நிலவியது. நகரச் சாலைகளில் இரவு நேரத்தில் வெள்ளம் பெருக்கெடுத்து ஓடியது. இதனால் வாகனங்கள் செல்ல முடியாமல் திணறின. டூவீலரில் வந்த ஓட்டுநர்கள் சாலை ஓரங்களில் வாகனங்களை நிறுத்திவிட்டு காத்திருந்தனர். வெள்ளம் அதிக அளவில் வந்ததால் டூவீலர்கள் சேதமடைந்தன. ராஜாஜி சாலை பகுதிகளில் வீடுகளில் வெள்ளம் புகுந்தது. பழநி முருகன் கோயில் படிப்பாதையில் அருவி போல வெள்ளம் கொட்டியது.