குழந்தை ஏசு ஆலய ஆண்டு திருவிழா

ஊட்டி: ஊட்டி குழந்தை ஏசு ஆலத்தின் ஆண்டுவிழா நடந்தது. காலை 10:30 மணிக்கு, ஊட்டி மறை மாவட்ட பிஷப் அமல்ராஜ் தலைமையில் திருவிழா திருப்பலி நடந்தது. பங்கு குருக்கள் ஸ்தனிஸ், இருதய லாரன்ஸ், ஆல்வின், நோயல் பங்கேற்றனர். முன்னதாக, ஜோசப் கல்வியியல் கல்லூரி குழுவினரின் பாண்டு வாத்திய இசை நடந்தது. மதியம் 3:00 மணிக்கு, குரு ஜான்மயல் தலைமையில், மலையாள திருப்பலி நடந்தது. மாலை 5:00 மணிக்கு, மாநில கத்தோலிக்க கல்வி கமிஷன் தலைவர் சவுந்தர்ராஜ் தலைமையில் திருப்பலியும், தொடர்ந்து, அலங்கரிக்கப் பட்ட சப்பரத்தில் குழந்தை ஏசு பவனி வந்தார். பின், நற்கருணை ஆசிருடன் விழா நிறைவு பெற்றது. அன்பிய தலைவர் ரபஸ் நன்றி கூறினார்.