செல்லியம்மன் கோவில் திருவிழா: 17 ஆண்டுகளுக்கு பின் நடந்தது!

ரிஷிவந்தியம் அடுத்த பாசாரில் 17 ஆண்டுகளுக்கு பிறகு நடந்த செல்லியம்மன் கோவில் தேர்திருவிழா பக்தர்கள் பலர் பங்கேற்றனர். ரிஷிவந்தியம் அடுத்த பாசார் கிராமத்தில்  செல்லியம்மன் கோவிலில்  17 ஆண்டுகளுக்கு பிறகு கடந்த 16ம் தேதி காப்பு கட்டுதல் நிகழ்ச்சியுடன்  தேர்  திருவிழா துவங்கியது. செல்லியம்மன், கெங்கையம்மன், மாரியம்மன் சுவாமிகளுக்கு சிறப்பு அபிஷேகம், அலங்காரம் செய்து வீதியுலா நடந்தது.  நேற்று தேர் திருவிழாவையொட்டி அதிகாலை 6 மணிக்கு சக்தி அழைத்தல் நிகழ்ச்சி நடந்தது.  மாலை 3 மணியளவில் செல்லியம்மனுக்கு சிறப்பு  அலங்காரம் செய்து  தேர் வடம் பிடித்து இழுத்தனர்.