தர்மபுரி மாவட்ட கோவில்களில் சந்திர கிரகண பரிகார பூஜை

காரிமங்கலம்: காரிமங்கலம் மலைக்கோவிலில், சந்திர கிரகண பரிகார பூஜை நேற்று நடந்தது. ஏராளமான பக்தர்கள், ஸ்வாமியை தரிசனம் செய்தனர். காரிமங்கலம், அபித குஜாம்பாள் சமேத அருணேஸ்வரர் கோவிலில், பவுர்ணமியை முன்னிட்டு, ஸ்வாமிக்கு சிறப்பு அபிஷேகம் செய்யப்பட்டு, சந்திர கிரகணத்தை முன்னிட்டு, காலை, 11 மணிக்கு கோவில் சாத்தப்பட்டது. மாலை, 6.30 மணிக்கு மேல் நடை திறக்கப்பட்டு, சிறப்பு ஹோமம், ஸ்வாமிக்கு சிறப்பு அபிஷேகம் நடந்தது.

* காவேரிப்பட்டணம் அடுத்த, பெண்ணேஸ்வரர் மடம் வேதநாயகி சமேத பெண்ணேஸ்வரர் கோவிலில் பவுர்ணமியை முன்னிட்டு, நேற்று காலை ஸ்வாமிக்கு சிறப்பு அபிஷேகம் நடத்தப்பட்டு, சந்திர கிரகணத்தை முன்னிட்டு, காலை, 11 மணிக்கு கோவில் சாத்தப்பட்டது. மாலை, 6.30 மணிக்கு மேல் நடை திறக்கப்பட்டு, சிறப்பு ஹோமம், ஸ்வாமிக்கு சிறப்பு அபிஷேகம் நடந்தது.

* தர்மபுரி, குமாரசாமிப்பேட்டை சிவசுப்பிரமணிய ஸ்வாமி கோவில், கோட்டை மல்லிகார்ஜூனேஸ்வரர் கோவில், நெசவாளர் தி விநாயகர் வேல்முருகன் கோவில், மகாலிங்கேஸ்வரர் கோவில், வெள்ளிப்பேட்டை தெரு அங்காளம்மன் கோவில், எஸ்.வி., ரோடு சாலை விநாயகர் கோவில், ஆஞ்சநேயர் கோவில், அரூர் தீர்த்தகிரீஸ்வரர் கோவில், புட்டிரெட்டிப்பட்டி சோமேஸ்வரர் கோவில், ஒகேனக்கல் தேசநாதேஸ்வரர் கோவில் உட்பட மாவட்டத்தில் உள்ள அனைத்து கோவில்களிலும் சந்திர கிரகணத்தை முன்னிட்டு, காலை, 11 மணிக்கு நடை சாத்தப்பட்டது. மாலை, 6.30 மணிக்கு மேல் நடை திறக்கப்பட்டு சிறப்பு பூஜைகள் நடந்தது.