சுந்தர விநாயகர் கோவிலில் சிறப்பு ஹோமம்

திருத்தணி: கார்த்திகை மாதம் முதல் நாளை முன்னிட்டு, நேற்று, சுந்தர விநாயகர் கோவிலில், சிறப்பு ஹோமம் மற்றும் பூஜைகள் நடந்தன. திருத்தணி, ம.பொ.சி., சாலையில் உள்ள சுந்தர விநாயகர் கோவிலில், நேற்று, கார்த்திகை மாதம் முதல் நாளை முன்னிட்டு, அதிகாலை, 4:30 மணிக்கு, சிறப்பு ஹோமம் நடத்தப்பட்டது. இதையொட்டி, கோவில் வளாகத்தில், ஒரு யாகசாலை மற்றும் ஐந்து கலசங்கள் வைத்து, கணபதி ஹோமம் மற்றும் யாகசாலை பூஜைகள் நடந்தன.தொடர்ந்து, காலை, 5:30 மணிக்கு, மூலவர் விநாயகருக்கு சிறப்பு அபிஷேகம், அலங்காரம் மற்றும் தீபாராதனை நடந்தது. இதில், திரளான பக்தர்கள் கலந்து கொண்டு வழிபட்டனர்.