திருப்போரூர் கந்தசுவாமி கோவில் பிரம்மோற்சவம் துவக்கம்!

திருப்போரூர்: திருப்போரூர் கந்த சுவாமி கோவிலில் மாசி மாத பிரம்மோற்சவ பெருவிழா, கொடியேற்றத்துடன் நேற்று துவங்கியது. திருப்போரூரில் புகழ்பெற்ற கந்தசுவாமி கோவில் உள்ளது. இக்கோவிலில் ஆண்டுதோறும் மாசி மாத பிரம்மோற்சவ பெருவிழா நடத்தப்படுகிறது. அந்த வகையில், இந்தாண்டு நேற்று கொடியேற்றத்துடன் விழா துவங்கியது. அதைத் தொடர்ந்து, சுவாமி கிளி வாகனம், தொட்டி, பூத வாகனம், புருஷாமிருகம், வெள்ளி அன்னம், ஆட்டுக்கடா, வெள்ளி மயில், தங்க மயில், யானை, விமானம், குதிரை, சிம்மம் உள்ளிட்ட வாகனங்களில் காலை, மாலை நேரங்களில் எழுந்தருளி வீதி உலா வரவுள்ளார். பிரதான தேர் உற்சவம், மார்ச் 1ம் தேதி காலை 8:00 மணிக்கு துவங்கி நடைபெறுகிறது. 4ம் தேதி மாசி மக தெப்ப உற்சவமும் நடைபெறுகிறது. 6ம் தேதி வேடர்புரி உற்சவத்தை தொடர்ந்து திருக்கல்யாண வைபவத்துடன் பெருவிழா நிறைவடைகிறது.