சதனபுரீஸ்வரர் கோவில் தேரோட்டம்!

திண்டிவனம்:திண்டிவனம் சஞ்சீவிராயன்பேட்டை சச்சிதானந்தவல்லி உடனமர் சதனபுரீஸ்வரர் கோவில் தேரோட்டம் நடந்தது.விழாவையொட்டி கடந்த 22 ம் தேதி காலை 7 மணிக்கு கொடியேற்றத்துடன் விழா துவங்கியது. தினம் இரவில் சுவாமி கோவில் உலா வந்து அருள்பாலித்தார்.

நேற்று முன்தினம் இரவு திருக்கல்யாணம் நடந்தது. நேற்று காலை 7 மணிக்கு திருத்தேர் ஊர்வலம் நடந்தது.பெண்கள் மட்டுமே தேரை இழுத்து வந்தனர். இன்று தீர்த்தவாரி நடக்கிறது.நாளை விடையாற்றி உற்சவம் நடக்கிறது. கோவில் நிர்வாக குழு தலைவர் நடராஜன், அறங்காவலர் கள் ரங்கநாதன், ராமலிங்கம், கோவில் நித்யபூஜை சிவனடியார் வடிவேல் மற்றும் அனந்தசயனம் உள்பட பலர் கலந்து கொண்டனர்.