ஆஞ்சநேயர் கோவில் கும்பாபிஷேக விழா!

தர்மபுரி: தர்மபுரி, எஸ்.வி., ரோட்டில் அமைந்துள்ள பிரசித்தி பெற்ற, ஆஞ்சநேயர் ஸ்வாமி கோவில் கும்பாபிஷேக விழா நாளை (7ம் தேதி) நடக்கிறது. 6.6.15 காலை, 6 மணிக்கு யாகசாலை பிரவேசம், கணபதி பூஜை, 11 மணிக்கு கும்பாபிஷேக அங்க ஹோமங்கள், வாஸ்து ஹோமம், நவக்கிரக ஹோமம், மாலை, 6 மணிக்கு வேத பாராயணம், 6.30 மணிக்கு சங்கீத நிகழ்ச்சி, இரவு, 8 மணிக்கு அஷ்டபந்தன மருந்து சாற்றுதல் நடக்கிறது.

(7ம் தேதி), காலை, 6 மணிக்கு விஷ்ணு காயத்திரி ஹோமம், ஸ்ரீ ராம தாரக மந்திர ஹோமம், லட்சுமி நரசிம்ம ஹோமம், மஹா சுதர்ஷ்ண ஹோமம், தன்வந்திரி ஹோமம், ஸ்ரீ ஹரிவாயு ஸ்துதி ஹோமம் நடக்கிறது. காலை, 9 மணிக்கு மேல், 10.30 மணிக்குள் கும்பாபிஷேகம் நடக்கிறது.

வித்யாஸாகர மாதவ தீர்த்த ஸ்ரீ பாதங்கள் தலைமை வகித்து, கும்பாபிஷேகத்தை நடத்தி வைத்து பக்தர்களுக்கு அருளாசி வழங்குகிறார். மதியம் 12 மணிக்கு டான் மெட்ரிக் பள்ளி வளாகத்தில் பக்தர்களுக்கு அன்னதானம் வழங்கப்படுகிறது. மாலை 6 மணிக்கு அர்சனை, மங்களஹாரத்தியும், 6.30 மணிக்கு அருள் தரும் ஆஞ்சநேயர் எனும் தலைப்பில் பக்தி சொற்பொழிவும் நடக்கிறது. ஏற்பாடுகளை கோவில் ஆச்சார் சத்தியநாராயணன், குருசாமி கிருஷ்ணன், சம்பத்குமார், கண்ணன், சிவராஜ், ஆனந்த், பாலாஜி, கேசவன், ராகவேந்திரன் ஆகியோர் செய்துள்ளனர்.