கிருபாபுரீஸ்வரர் கோவிலில் பிட்டுக்கு மண்சுமந்த நிகழ்ச்சி!

திருவெண்ணெய் நல்லூர்: திருவெண்ணெய்நல்லூர் சிவன் கோவிலில் பிட்டுக்கு மண் சுமந்த  நிகழ்ச்சி நடந்தது. திருவெண்ணெய்நல்லூர் ம ங்களாம்பிகை சமேத கிருபாபுரீஸ்வரர் கோவிலில், பிட்டுக்கு மண் சுமந்த  நிகழ்ச்சி நேற்று நடந்தது. முன் காலத்தில் மதுரையை அரிமர்த்தன  பாண்டியன் ஆட்சி செய்தார். அப்போது வைகை அணையில் வெள்ளப் பெருக்கு ஏற்பட்டதால், அணையை அடைக்க வீட்டிற்கு ஒரு ஆள் வர÷ வண்டுமென கட்டளையிட்டார். வந்தி என்னும் மூதாட்டிக்கு யாரும் இல்லாததால் சிவபெருமானே கூலியாளாக சென்று, பிட்டுவை கூலியாக  பெற்று அணையை அடைத்ததாக வரலாறு கூறுகிறது. இதன் ஐதீக நிகழ்ச்சி நேற்று நடந்தது. காலை 9:00 மணிக்கு பஞ்சமூர்த்திகளுக்கு சிறப்பு அபி ஷேகமும், மாலை 4:30 மணிக்கு திருவீதியுலாவும் நடந்தது. கையில் மண்வெட்டியுடன் அலங்கரிக்கப்பட்ட சிவபெருமான் மலட்டாற்றை நோக்கி  புறப்பட்டார். மாலை 6:30 மணிக்கு கரையில் சுவாமியை நிறுத்தி விட்டு குருக்கள் ரவி ஆற்றில் இறங்கி, அணையை அடைக்கும் ஐதீகத்தை செய்தார்.  தொடர்ந்து மேலமங்கலம் குமாரசாமிதம்பிரான்சுவாமிகள் ஆன்மிக சொற்பொழிவு நிகழ்த்தினார். விழா ஏற்பாடுகளை கோவில் செயல்அலுவலர்  வெங்கட கிருஷ்ணன், வாணிய சமூகத்தினர் செய்திருந்தனர்.