ஊத்துக்கோட்டை சாய்பாபா கோவிலில் கும்பாபிஷேகம்

ஊத்துக்கோட்டை: சாய்பாபா கோவில் கும்பாபிஷேக விழாவில், திரளான பக்தர்கள் கலந்து கொண்டு தரிசனம் செய்தனர். எல்லாபுரம் ஒன்றியம், பனையஞ்சேரி கிராமத்தில், பகுதிவாசிகளின் பங்களிப்புடன், சாய்பாபா கோவில் கட்டப்பட்டது. கட்டுமான பணிகள் முடிந்ததையடுத்து, கடந்த, 14ம் தேதி பந்தக்கால் நடப்பட்டது; 20ம் தேதி முதல், கும்பாபிஷேக விழா துவங்கியது. கணபதி பூஜை, கோ பூஜை, நான்கு கால யாக பூஜைகள் என, பல்வேறு பூஜைகள் நடத்தப்பட்டன. நேற்று காலை, மகா கும்பாபிஷேகம் நடந்தது. இதில் கலந்து கொண்ட திரளான பக்தர்களுக்கு, அன்னதானம் வழங்கப்பட்டது.