அய்யப்ப சுவாமிக்கு திருமஞ்சனம்

செங்கல்பட்டு : செங்கல்பட்டில், அய்யப்ப சுவாமிக்கு திருமஞ்சனம் விழா, கோலாகலமாக நேற்று நடைபெற்றது. செங்கல்பட்டு - காஞ்சிபுரம் சாலையில், அய்யப்ப சுவாமி கோவில் உள்ளது. இங்கு, 5 ஆண்டுகளாக, செங்கல்பட்டு கோண்டராமர் கோவில் குளத்தில் அய்யப்ப சுவாமிக்கு திருமஞ்சனம் நடைபெறும்.இந்த ஆண்டு, நேற்று பகல், 2:30 மணிக்கு, அய்யப்பசுவாமிக்கு, திருமஞ்சனம் நடைபெற்றது. அதை தொடர்ந்து, சுவாமி அலங்கரிக்கப்பட்டு, யானை மீது வைக்கப்பட்டு, ஊர்வலம் நடைபெற்றது. செங்கல்பட்டு, கோதண்டராமர் கோவிலில் இருந்து துவங்கிய ஊர்வலம், வேதாசலம் நகர், ஜி.எஸ்.டி., சாலை வழியாக, கோவிலுக்கு வந்தது. விழாவில், ஏராளமான பக்தர்கள் கலந்து கொண்டனர்.