வால்பாறை ஐயப்பசுவாமி கோவில் திருவிழா துவக்கம்

வால்பாறை: வால்பாறை நகர் வாழைத்தோட்டம் ஐயப்ப சுவாமி கோவிலின் 56ம் ஆண்டு திருவிழா நேற்று காலை, 7:15 மணிக்கு கொடியேற்றத்துடன் துவங்கியது. தாசில்தார் சதீஷ், டாக்டர் முனுசாமி ஆகியோர் தலைமையில் திருக்கொடி ஏற்றப்பட்டது. விழாவில் இன்று காலை, 11:00 மணிக்கு அன்னதானம் வழங்கும் விழா நடக்கிறது. தொடர்ந்து மாலை, 3:00 மணிக்கு ராஜிவ் நகர் ஸ்ரீமாரியம்மன் கோவிலிலிருந்து, பாலகொம்பு எடுத்து வரும் நிகழ்ச்சியும் நடக்கிறது. நாளை (30ம் தேதி), மாலை, 3:00 மணிக்கு அலங்கரிக்கப்பட்ட தேரில் ஐயப்பன் எழுந்தருளி, திருவீதி உலா சென்று பக்தர்களுக்கு அருள்பாலிக்கிறார். விழாவிற்கான ஏற்பாடுகளை கோவில் கமிட்டி தலைவர் முத்துராமலிங்கம், துணைத்தலைவர் நாகராஜன், செயலாளர் பிரசன்னகுமார், உட்பட பலர் செய்து வருகின்றனர்.