சுழலும் கிளிகள்

விழுப்புரம் புதுச்சேரிக்கு இடையில் அமைந்துள்ள வளவனூர் தலத்தில் கலிவரதப்பெருமாளும், பெருந்தேவித்தாயாரும் எழுந்தருளியுள்ளார்கள். சிற்பக் கலைக்குச் சான்றாக விளங்கும் இக்கோயில் மகாமண்டபத்தில் சுமார் இரண்டரை அடி சதுரமும் இரண்டடிகனமும் கொண்ட ஒரே கல்லில் மூன்றடுக்குத் தாமரை வடிவம் செதுக்கப்பட்டுள்ளது. இதன் நடுவே மொட்டுப் பகுதியில் ஒரே கல்லில் நான்கு மூலைகளிலும் நான்கு கிளிகள் தொங்கியவாறு, நெற்கதிரைக் கொத்தும் நிலையில் காணப்படுவதும், அவை சுழலும் தன்மை கொண்டதாக இருப்பதும் வித்தியாசமான அமைப்பு.