திரவுபதி அம்மன் கோவில் கும்பாபிஷேக விழா

கிருஷ்ணகிரி: கிருஷ்ணகிரி அடுத்த காவேரிப்பட்டணம் அருகே, திரவுபதி அம்மன் கோவில் கும்பாபிஷேக விழா நடந்தது. கிருஷ்ணகிரி அடுத்த காவேரிப்பட்டணம் அருகே, நெடுங்கல் கிராமத்தில் உள்ள திரவுபதி அம்மன் கோவில் கும்பாபிஷேக விழா நேற்று நடந்தது. விழாவையொட்டி கடந்த, 6 ம் தேதி காலை, 9 மணிக்கு, விக்னேஸ்வர பூஜை, நவக்கிரக ஹோமம், வாஸ்து சாந்தி, மாலை, 6 மணிக்கு, தீபாராதனை, முதற்கால யாக பூஜை உள்ளிட்ட பல்வேறு சிறப்பு பூஜைகள் நடந்தன. 7ம் தேதி காலை, 9 மணிக்கு, இரண்டாம், மூன்றாம் கால யாக பூஜை, பூர்ணாஹூதி, தீபாராதனை மற்றும் பல்வேறு நிகழ்ச்சிகள் நடந்தது. விழாவின் முக்கிய நிகழ்ச்சியான நேற்று காலை, நான்காம் கால யாக பூஜையை தொடர்ந்து, மகா கும்பாபிஷேகம் நடந்தது. இதில் திரளான பக்தர்கள் பங்கேற்று சுவாமி தரிசனம் செய்தனர்.