அன்னைகாமாட்சி அம்மன் கோவிலில் திருக்கல்யாண உற்சவம்

வால்பாறை: வால்பாறை அன்னைகாமாட்சி அம்மன் கோவிலில் நடந்த திருக்கல்யாணத்தில், ஆயிரக்கணக்கான பக்தர்கள் கலந்து கொண்டனர். வால்பாறை வாழைத்தோட்டம் அன்னை காமாட்சி அம்மன் கோவிலின், 49ம் ஆண்டு திருவிழா கடந்த, 14ம் தேதி கொடியேற்றத்துடன் துவங்கியது.  விழாவில் நேற்று காலை, 10:00 மணிக்கு சுப்பிரமணியசுவாமி கோவிலிருந்து, அம்மனுக்கு திருமணசீர்வரிசை கொண்டு செல்லப்பட்டது. பின் காலை, 11.30 மணிக்கு கோவில் வளாகத்தில் அம்மனுக்கு திருக்கல்யாணம் நடைபெற்றது. தொடர்ந்து பக்தர்களுக்கு அன்னதானம் வழங்கப்பட்டது. இதில் ஆயிரக்கணக்கான பக்தர்கள் கலந்து கொண்டனர். விழாவுக்கான ஏற்பாடுகளை கோவில்நிர்வாகிகள் செய்திருந்தனர்.