குறிச்சி ஆலயத்தில் வரும் 28ல் வருண ஜபம்

பெத்தநாயக்கன்பாளையம்: வாழப்பாடி அருகே, குறிச்சி தீர்த்தகிரீஸ்வரர் ஆலயத்தில், வரும், 28ல் வருண ஜபம் நடக்கிறது. வசிஷ்ட நதிக்கரையில் அமைந்துள்ள பஞ்சபூத தலங்களைச் சேர்ந்த சிவாச்சாரியார்கள் முன்னிலையில், காலை, 6:00 மணிக்கு மழை வேண்டியும், அனைத்து உயிர்களும் சுபிட்சம் பெறவும், பஞ்சபூத, சப்தரிஷி வேள்வி மற்றும் வருண ஜபம் நடக்கிறது. தொடர்ந்து, சிறப்பு பூஜை, அன்னதானம் நடைபெறும். விழா ஏற்பாடுகளை, சுற்றுவட்டார கிராமங்களைச் சேர்ந்த சிவனடியார்கள் செய்து வருகின்றனர்.