இஞ்சிமேடு கோவிலில் ஸ்வாதி சிறப்பு ஹோமம்

செஞ்சி : இஞ்சிமேடு கல்யாண லட்சுமி நரசிம்மருக்கு ஸ்வாதி நட்சத்திரத்தை முன்னிட்டு சிறப்பு ஹோமம் நடந்தது. திருவண்ணாமலை மாவட்டம் பெரணமல்லூர் அருகே உள்ள இஞ்சி மேட்டில் பழமையான வர தராஜ பெருமாள் கோவில் உள்ளது. இங்குள்ள கல்யாண லட்சுமி நரசிம்மருக்கு நேற்று முன்தினம் ஸ்வாதி நட்சத்திரத்தை முன்னிட்டு சிறப்பு ஹோமம் நடந்தது. இதை முன்னிட்டு காலை 6 மணிக்கு பெருந்தேவி தாயார், வரதராஜ பெருமாள், கல்யாண வரத ஆஞ்சநேயர், ராமர், சீதை, லட்சுமனருக்கு சிறப்பு திருமஞ்சனம் செய்தனர். காலை 10 மணிக்கு இஞ்சிமேடு பாலாஜி பட்டாச்சாரியார் தலைமையில் 20க்கும் மேற்பட்ட பட்டாச்சாரியார்கள் சிறப்பு ஹோமம் செய்தனர்.