திருப்போரூர் கந்தசுவாமி கோவிலில் கிருத்திகை விழா

திருப்போரூர்: திருப்போரூர், கந்தசுவாமி கோவிலில் நடைபெற்ற கிருத்திகை விழாவில், திரளான பக்தர்கள் பங்கேற்று, சுவாமியை வழிபட்டனர். திருப்போரூரில், பிரசித்தி பெற்ற கந்தசுவாமி கோவில் உள்ளது. இங்கு, மாதம் தோறும் கிருத்திகை விழா கொண்டாடப்படுவது வழக்கம். அதுபோல, நேற்று ஆவணி மாத கிருத்திகை விழா சிறப்புடன் கொண்டாடப்பட்டது.இதில், கந்தசுவாமி பெருமானுக்கு சிறப்பு அபிஷேகமும், தீபாராதனைகளும் நடைபெற்றன. பின், சிறப்பு அர்ச்சனைகளும் செய்யப்பட்டன. விழாவில், சென்னை மற்றும் பல்வேறு பகுதிகளிலிருந்து வந்த பக்தர்கள் முடி காணிக்கை செலுத்தியும், காவடிகள் எடுத்தும் வேண்டுதல்களை நிறைவேற்றினர். விழாவையொட்டி, காலை, மாலை என, இருவேளையும் மாடவீதிகளில் சுவாமியின் திருவீதியுலா நடைபெற்றது.