ஒப்பிலியப்பன் கோவிலில் காணிக்கை ரூ.13 லட்சம்
ADDED :5112 days ago
கும்பகோணம்: திருநாகேஸ்வரம் ஒப்பிலியப்பன் கோவிலில் உண்டியல்கள் திறந்து எண்ணப்பட்டதில் பக்தர்கள் 13 லட்சம் காணிக்கை செலுத்தி உள்ளது தெரியவந்தது. கும்பகோணம் அருகிலுள்ள திருநாகேஸ்வரத்தில் ஒப்பிலியப்பன் வெங்கடாசலபதி கோவில் உள்ளது. இக்கோவிலில் ஒரு மாதத்திற்கு பிறகு நேற்று 12 உண்டியல் திறந்து எண்ணப்பட்டன. இந்தியன் வங்கி மேலாளர் சீனிவாசன், தக்காரும், துணை ஆணையருமான புகழேந்தி, கும்பகோணம் உதவி ஆணையர் மோகனசுந்தரம், ஒப்பிலியப்பன் கோவில் உதவி ஆணையர் பரணிதரன், ஆய்வாளர் கண்ணன் ஆகியோர் முன்னிலையில் வங்கி ஊழியர்கள், கோவில் பணியாளர்கள் காணிக்கைகளை எண்ணும் பணியில் ஈடுபட்டனர்.இதில், 10 லட்சத்து 87 ஆயிரத்து 436 ரொக்கமும், தங்கமாக 75 கிராமும், வெள்ளியாக 335 கிராமும் கிடைத்துள்ளது. இவற்றின் மொத்த மதிப்பு 13 லட்சம் ரூபாயாகும்.