சிங்கவரம் ரங்கநாதருக்கு மகா புஷ்பயாகம்

செஞ்சி: சிங்கவரம் ரங்கநாதர் கோவிலில் மகா புஷ்பயாகம் நடந்தது. செஞ்சியை அடுத்த சிங்கவரம் ரங்கநாதர் கோவிலில் கோடை காலத்தை முன்னிட்டு ரங்கநாதரை
குளிர்விக்கவும், மழை வேண்டியும் மகா புஷ்பயாகம் நடந்தது. இதை முன்னிட்டு காலை 8 மணிக்கு உற்சவர் ஸ்ரீதேவி, பூதேவி சமேத ரங்கநாதருக்கு சிறப்பு திருமஞ்சனம்
செய்தனர். தொடர்ந்து காலை 9 மணிக்கு சிறப்பு அலங்காரமும், புஷ்ப யாகமும், 12 மணிக்கு மகா புஷ்பாஞ்சலியும், மகா தீபாராதனையும் நடந்தது. விழாவில், உபயதாரர்கள் ஸ்ரீராம் ரங்கராஜ், பாலாஜி சுரேஷ் மற்றும் விழா குழுவின கலந்து கொண்டனர். மதுசூதனன் பட்டாச்சார்யார் தலைமையிலான குழுவினர்யாக பூஜைகளை செய்தனர்.