மீனாட்சி அம்மன் கோயிலில் ஆனி உத்திர திருமஞ்சனம்

மதுரை: மதுரை மீனாட்சி அம்மன் கோயில் 100 கால் மண்டபத்தில் ஆனி உத்திர திருமஞ்சனம் இன்று (ஜூன் 21) காலை 6:00 மணிக்கு நடக்கிறது. இதையொட்டி பழைய திருக்கல்யாண மண்டபத்தில் பாலாபிஷேகம், இரவு 7:00 மணிக்கு பஞ்ச மூர்த்திகள் ரிஷப வாகனத்தில் மாசி வீதிகளில் புறப்பாடு நடக்கிறது. இரவு 3:00 மணிக்கு பஞ்ச சபை நடராஜர், சிவகாமி அம்மனுக்கு பிரதான மாறியாடுவார். நடராஜர் சிவகாமியம்மனுக்கு சுவாமி கோயில் ஆறு கால் பீடத்திலும், 100 கால் மண்டபத்திலும் ஆனி  உத்திர திருமஞ்சனம் காலை 6:00 மணிக்கு நடக்கிறது. கால பூஜை முடிந்து காலை 7:00 மணிக்கு மேல் பஞ்ச சபை நடராஜர், சிவகாமியம்மன் மாசி வீதிகளில் புறப்பாடு நடக்கிறது. இதை முன்னிட்டு பூஜை பொருட்களை கோயிலில் வழங்கலாம், என நிர்வாகம் தெரிவித்துள்ளது. ஏற்பாடுகளை தக்கார் கருமுத்து கண்ணன், இணை கமிஷனர் நடராஜன் செய்து வருகின்றனர்.