முடிந்தளவு தானம் செய்யுங்கள்

* பூர்வ ஜென்மங்களில் செய்த செயல்களுக்கு கடவுள் தருகிற பலன் அல்லது கஷ்டத்தை இப்போது அறுவடை செய்கிறோம்.* தியாகம் பண்ண வேண்டும் என்பதைவிட தியாகம் பண்ணினேன் என்ற எண்ணத்தையும் தியாகம் பண்ணிவிட வேண்டும்.* ஒரே தெய்வத்தை தொடர்ந்து வழிபடுவது சித்த ஒருமைப்பாட்டுக்கு உதவலாம். ஆனால், இன்னொரு தெய்வத்தை தாழ்வாக எண்ணக்கூடாது.* வைரத்திலும், பட்டிலும் நம் பெண்களுக்கு மோகம் போய்விட்டால், நம்முடைய குடும்ப வாழ்க்கையும், சமூக வாழ்க்கையும் மட்டுமில்லாமல் பெண்களின் தர்மமும் பிழைக்கும்.* மவுனமும், பட்டினியும் சேர்ந்தால் வாய்க்கு வேலை இல்லாமல் போய்விடும். அப்போது மனம் இறைவழிபாட்டில் ஈடுபடுவதை அனுபவத்தில் தெரிந்து கொள்ளலாம்.* போதும் என்ற மனதோடு சம்பாதித்து, அதைக் கவனத்துடன் செலவழிக்க வேண்டும். சொந்தச் செலவுகளை குறைத்து, முடிந்தளவு தான தர்மம் செய்ய வேண்டும்.- காஞ்சிப்பெரியவர்