அறிவியல் ஆயிரம்:வருகிறது வால்நட்சத்திரம்
சூரியனை நோக்கி வரும் 'சி/2026 ஏ1 (மேப்ஸ்)' என்ற வால்நட்சத்திரம், 2026 ஏப்ரல் 4, 5ல் வானில் தெரியும் என விஞ்ஞானிகள் தெரிவித்துள்ளனர். சூரிய மறைவுக்குப்பின் 30 - 45 நிமிடங்களுக்குப்பின் வானம் தெளிவாக இருக்கும் பட்சத்தில் இதை பார்க்கலாம். மார்ச் மாத நடுவில், இந்த வால் நட்சத்திரத்தை 'டெலஸ்கோப்' உதவியுடன் பார்க்கலாம். வால்நட்சத்திரம் (காமெட்) என்பது சூரியனை நீள்வட்டப்பாதையில் சுற்றி வரும் துாசி, கற்கள், உறைந்த வாயு, பனிக்கட்டியால் கலந்த கலவை. இது சூரியனுக்கு அருகில் வரும்போது தான், சூரிய ஒளி இதனை பிரகாசமான வால் போல மாற்றுகிறது.