உள்ளூர் செய்திகள்

/ தினம் தினம் / இதப்படிங்க முதல்ல / ரூ.91 லட்சம் ஜி.எஸ்.டி., பாக்கி; நோட்டீசால் மூதாட்டி அதிர்ச்சி

ரூ.91 லட்சம் ஜி.எஸ்.டி., பாக்கி; நோட்டீசால் மூதாட்டி அதிர்ச்சி

திருப்பத்துார்: 'ஜி.எஸ்.டி., 91 லட்சம் ரூபாய் பாக்கி' என, நோட்டீஸ் வந்ததால், இட்லி விற்கும் மூதாட்டி அதிர்ச்சி அடைந்தார். திருப்பத்துார் மாவட்டம், துத்திப்பட்டுவைச் சேர்ந்தவர் வசந்தா, 60. கணவரை இழந்த இவர், அதே கிராமத்தில் இட்லி விற்று பிழைப்பு நடத்துகிறார். ஆம்பூரிலுள்ள இந்தியன் வங்கியில் வசந்தா, நேற்று பணம் எடுக்க சென்றபோது, அவரது கணக்கு முடக்கப்பட்டிருப்பது தெரிந்தது. இந்நிலையில் அவருக்கு, சேலம் ஜி.எஸ்.டி., அலுவலகத்தில் இருந்து, ஒரு நோட்டீஸ் வந்தது. அதில், 'நீங்கள், 'ஷர்மிளா என்டர்பிரைசஸ்' நிறுவனம் நடத்தி, 91 லட்சம் ரூபாய் ஜி.எஸ்.டி., பாக்கி வைத்துள்ளீர்கள்; அதை, உடனே செலுத்த வேண்டும்' என, கூறப்பட்டிருந்தது. வசந்தா, உமராபாத் போலீஸ் ஸ்டேஷனில் புகார் அளித்தார். அதில், 'என் பான், ஆதார் அட்டையை தவறாக பயன்படுத்தி, ஜி.எஸ்.டி., மோசடி செய்துள்ளனர். இதுகுறித்து விசாரித்து, முடக்கப்பட்ட என் வங்கி கணக்கை, மீட்டு தர வேண்டும்' என, தெரிவித்துள்ளார். போலீசார், விசாரித்து வருகின்றனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 3 )

அப்பாவி
செப் 25, 2026 16:36

இட்லி 17 லட்சத்துக்கு வித்தவங்க கூட இவ்ளோ வரி கட்டியிருக்க மாட்டாங்க


Vasan
செப் 25, 2026 09:42

அந்த பாட்டிக்கு, அந்த வங்கியும், நிதி துறை அமைச்சகமும், தாங்கள் செய்த அநீதிக்கு, தாமாகவே முன் வந்து நஷ்ட இழப்பீடு தர வேண்டும். அந்த அதிர்ச்சியால் பாட்டியின் உடல் நலம் குன்றியிருந்தால், அது எவ்வளவு பெரிய கொடுமை?


baala
செப் 25, 2026 09:19

இதை அரசு கண்டுபிடிக்க முடியாதா> அந்த பொறுக்கிகள் யார் என்று