கிடைப்பதும் கிடைக்காம போயிடும்!

துாத்துக்குடி மாவட்ட விவசாயிகள் குறைதீர் கூட்டம், கலெக்டர் இளம்பகவத் தலைமையில் நடந்தது. கூட்டத்தில், மீன்பாசி ஏலம் விடுவது தொடர்பாக விவசாயி ஒருவர் எழுப்பிய கேள்விக்கு, பெண் அதிகாரி பதில் அளித்தார். அதை ஏற்றுக்கொள்ளாத விவசாயி, அதிகாரி பொய் சொல்வதாக கூறினார்; அதற்கு, மற்ற விவசாயிகள் கைதட்டி ஆரவாரம் செய்தனர்.இதனால், 'டென்ஷன்' ஆன கலெக்டர், 'இது பொதுக் கூட்டம் அல்ல; குறைகளை தீர்க்கும் கூட்டம். அதிகாரிகளை விமர்சனம் செய்து, விவசாயிகள் கைதட்டுவது ஆரோக்கியமானது அல்ல' என, கடிந்து கொண்டார்.இதை கேட்ட விவசாயி ஒருவர், 'குறையிருந்தால் சொல்லுங்கள்; செய்து தருகிறேன் என்று சொல்லும் கலெக்டர் முன், அதிகாரிகளை எரிச்சல்படுத்துவது சரியில்லை. அரசு அதிகாரிகளை பகைத்து கொண்டால், கிடைக்கிறதும் கிடைக்காம போயிடும்...' என, புலம்பியபடியே கிளம்பினார்.