புகார் பெட்டி

குறைந்தழுத்த மின் சப்ளை

கள்ளக்குறிச்சி நகரின் பெரும்பாலான பகுதிகளில் குறைந்தழுத்த மின் சப்ளை வழங்கப்படுவதால் மின் சாதனங்கள் அடிக்கடி பழுதாகி விடுகின்றன.-கண்மணி, கள்ளக்குறிச்சி.

அடிப்படை வசதி தேவை

கள்ளக்குறிச்சியில் விரிவாக்க பகுதிகளில் சாலை, குடிநீர், தெரு மின்விளக்குகள், கழிவுநீர் கால்வாய் போன்ற அடிப்படை வசதிகள் ஏற்படுத்தப்படாததால், பாதுகாப்பற்ற சூழல் நிலவுகிறது.-வெற்றிவேல், கள்ளக்குறிச்சி.

ஓய்வூதியத்திற்கு கமிஷன்

கள்ளக்குறிச்சியில் ஓய்வு பெறும் அரசு பணியாளர்கள் கமிஷன் வெட்டினால்தான் ஓய்வூதிய தொகை கிடைக்கும் என்ற நிலை உள்ளதால், அதிகாரிகளின் கண்காணிப்பு அவசியமாகிறது.-சசிக்குமார், கள்ளக்குறிச்சி.

கட்டுப்பாடில்லா ஆட்டோ கட்டணம்

கள்ளக்குறிச்சியில் ஆட்டோ கட்டணத்தை போக்குவரத்து துறை அதிகாரிகள் வரைமுறைப்படுத்த வேண்டும்.-வெங்கடேசன், கள்ளக்குறிச்சி.