எச்.எல்.எல்., லைப்கேர் நிறுவனத்தில் டெக்னிகல் வேலை
எச்.எல்.எல்., லைப்கேர் லிமிடெட் என்பது பொதுத்துறை சார்ந்த ஒரு மினிரத்னா நிறுவனமாகும். மத்திய அரசின் நேரடிக் கட்டுப்பாட்டில் இயங்கும் இந்த நிறுவனம் பல்வேறு பொருட்களைத் தயாரிப்பதில் பிரசித்தி பெற்றது. இந்த நிறுவனத்தின் கர்னாடக மா நிலம் கனகலாவில் உள்ள கிளையில் காலியாக உள்ள ஐ.டி.ஐ., டிரெய்னி பணியிடங்களை நிரப்புவதற்கு விண்ணப்பங்கள் வரவேற்கப்படுகின்றன. மொத்த காலியிட விபரங்களை இந்த நிறுவனம் அறிவிக்கவில்லை.வயது: விண்ணப்பதாரர்கள் 35 வயதுக்கு உட்பட்டவராக இருக்க வேண்டும்.கல்வித் தகுதி: பிட்டர் அல்லது எலக்ட்ரீசியன் பிரிவில் ஐ.டி.ஐ., படிப்பைக் குறைந்த பட்சம் 60 சதவிகித மதிப்பெண்களுடன் முடித்திருக்க வேண்டும்.ஸ்டைபண்டு எவ்வளவு?: எச்.எல்.எல்., லைப்கேர் நிறுவனத்தின் ஐ.டி.ஐ., டிரெய்னி பதவிக்கு தேர்ந்தெடுக்கப்பட்டால் முதல் இரண்டு வருடங்களுக்கு மாதம் ரூ.5 ஆயிரத்து 500ம், மூன்றாம் வருடத்தில் ரூ.6 ஆயிரத்து 500ம் ஸ்டைபண்டாக வழங்கப்படும் என்று அறிவிக்கப்பட்டுள்ளது.இதர தகவல்கள்: இந்தப் பதவிக்கு விண்ணப்பிக்க விரும்புபவர்கள் இந்த நிறுவனத்தின் இணையதள முகவரிக்கு சென்று பரிந்துரைக்கப்பட்ட மாதிரியிலான விண்ணப்பப் படிவத்தை டவுன்லோடு செய்து, அதனை முழுமையாக நிரப்பி உரிய முகவரிக்கு அனுப்ப வேண்டும். திறனறியும் தேர்வு மற்றும் நேர்காணல் என்ற முறைகளில் தேர்ச்சி இருக்கலாம். இந்தப் பதவிக்கு தேர்ந்தெடுக்கப்பட்டால் கர்நாடக மா நிலம் கனகலாவில் பணிபுரிய வேண்டியிருக்கும். முழுமையான தகவல்களை இந்த நிறுவனத்தின் இணைய தளத்திலிருந்து அறிந்து அதன் பின்னரே விண்ணப்பிக்கவும்.விண்ணப்பிக்க இறுதி நாள்: 17.06.2015இணையதள முகவரி: www.lifecarehll.com