காட்டுப்பாக்கத்தில் தேனீ வளர்ப்புக்கு 7 நாள் இலவச பயிற்சி

செங்கல்பட்டு அடுத்த காட்டுப்பாக்கத்தில் வேளாண் அறிவியல் நிலையம் இயங்கி வருகிறது. இங்கு, தேசிய தேனீ வாரிய நிதியுதவியுடன், விஞ்ஞான முறையில் தேனீ வளர்ப்பு குறித்து, ஒரு வார இலவச பயிற்சி நடைபெற உள்ளது. டிச.,16 முதல் டிச.,22 வரை நடக்கும் இந்த பயிற்சி முகாமில், தேனீக்கு உணவு தரும் பயிர் சாகுபடி, தேனீ வளர்க்க தேவையான உபகரணங்கள் தயாரிப்பது உள்ளிட்ட பல்வேறு விதமான தொழில்நுட்ப தகவல்கள் அளிக்கப்பட உள்ளன. இந்த பயிற்சி முகாமில், காஞ்சிபுரம், செங்கல்பட்டு மாவட்டங்களைச் சேர்ந்த, படித்த இளைஞர்கள் மற்றும் பல தரப்பு விவசாயிகள் பங்கேற்கலாம். தொடர்புக்கு: பெ.முருகன், 99405 42371.